تاجين مع بعض

وصلني من أخي شمس الزناتي

تاجين هما الأول والثاني في مسيرتي التدوينية

وأنا لا أستطيع أن أرد طلب من شمس الزناتي

فكان لا بد لي من الإستجابة

وإليكم التاجين

تاج الحصانة

دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟
السيف

المسدس

قنبلة أي حاجة تقول غني إرهابي

كنت تفضل الدخول مستقل او تتبع حزب معين ؟؟؟؟

أنا عموما أحب أكون مستقل

فأكيد حادخل مستقل

اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟

الحزب الوطني؟؟ لا طبعا أنا أساسا إرهابي

مش حكومي

مادام دخلت مستقل، فسأظل مستقل

اول حاجه هتعملها لنفسك ولاسرتك ؟؟؟؟؟

أنا حاصلح شارع بيتنا، عشان عربيات الناس اللي بتحاول تزورنا تبطل تعيش عند الميكانيكي.

ايه المشروع اللى ناوى تعمله لاهل دايرتك ؟؟؟؟ دون ذكر اسم الدائره

بعد ما أصلح الشارع، وأشيل المطبات، حاطلب إنهم يخفضوا ارتفاع الرصيف عشان كبار السن، بيحتاجوا سلم عشان يطلعوا الرصيف

قعدت في المجلس جنب نائب مميز . من هو النائب ؟؟؟

أي حد مش بيقزقز لب ولا سوداني في المجلس، ولا بيسلك سنانه، ولا بيقضي الجلسة نايم

يستحسن إنه يكون مستقل، أو على الأقل مش حزب وطني

قدمت سؤال للحكومه ايه هو السؤال ؟؟؟؟؟

متي ستقدم الحكومة إجابات صادقة على أسئلة المجلس أو الصحافة أو الجماهير؟

طلب احاطه موضوعه ايه ؟؟؟ وبتقدمه لمين ؟؟؟؟

وزير المالية،عن نتائج اتفاقية الكويز على صناعة النسيج المصري.

استجواب لاتنين من الوزراء موضوعه ايه ؟؟؟؟وبتستجوب مين
وزير الداخلية، أين حقوق الإنسان؟

وزير الزراعة: كيف أصبحت مصر في المرتبة الثالثة في إنتاج القطن؟

وزير المالية : فلوس الشعب بتروح فيييييييييييييييييييييييييين؟

وزير التعليم العالي: ليه خريجينا مستواهم كده؟

انت مع الخصخصه ؟؟؟؟؟؟
أنا مع خخصة الصناعات المتوسطة، أما الخدمات، والصناعات الاستراتيجية، لازم تكون ملكية عامة.

هل انت مع قطع العلاقه مع اسرائيل ؟؟؟؟؟

طبعا (مش قلت لك إرهابي)

أنا مع قطع العلاقات كاملة.

وما يترتب عليه من معامله العدو هل تؤيد الحرب على العراق ؟؟؟؟؟؟؟؟

العراق بلد عربي، إخواننا وأهلنا. لا يمكن أؤيد حرب ضدهم

ولا حتى أقف على الحياد

هل تؤيد مرور الامريكان فى القناه ؟؟؟؟؟؟

مرور سلمي طبعا، زيهم زي غيرهم، ويدفعوا الرسوم.

لكن مرور قوات لضرب أهلي وناسي، يبقى غباء أو خيانة.

هل انت مشترك فى مؤامره كسر فرنسا هانم بالاشتراك مع ام دبوه ؟؟؟؟؟؟؟؟

أنت بتصدق الكلام ده؟؟

المؤامرات دايما ضدنا إحنا بس

بتمرر التاج ده لمين ؟؟؟؟؟؟

جاي مع اللي بعده

********************************************

تاج تاني

من غير اسم

هل توافق على حذف خانة الديانة من البطاقة الشخصية ؟

لا طبعا

عشان أعرف هوية الإنسان اللي قدامي

هوية الإنسان/ إسم وشكل ودين وثقافة

ما رأيك فى المثليين ؟

قصدك الشواذ جنسيا

منحرفين عن الفطرة وعن شريعة الله

إما مرضى يجب علاجهم، أو مجرمين يجب عقابهم،

وفي الحالين يجب عزلهم عن بقية المجتمع السوي.

هل هى حرية شخصية ؟

ممارسة الشذوذ الجنسي جريمة

لو قلنا إن القتل والسرقة والزنا والدعارة حرية شخصية، ممكن نضيف معاها الشذوذ.

لكن الجريمة جريمة، وليست حرية.

هل توافق على الإعتراف بالمثليين ؟

أنا قلت قبل كده إنها جريمة

مش ممكن أوافق على الاعتراف بجريمة

هل لديك أصدقاء من المثليين ؟

لحسن الحظ، لا،،

لكن اعرف عدد منهم، في ظروف مختلفة

هل تعتقد بوجود إضطهاد للمسيحين فى مصر ؟

طبعا، هناك اضطهاد للمسيحيين في مصر وللمسلمين كمان،

بس مش بسبب الدين

بسبب الجنسية. (مصري)

من هو الشخص الذى تختارة لرئاسة مصر ؟

المرشح الأول عندي حتى الآن

عمرو موسى

أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟

عمرو موسى، د.محمد العوا، طارق البشري، د.عصام العريان، الفريق سعد الدين الشاذلي، ومصطفى بكري. جورج إسحق، د.عبد الوهاب المسيري، أمين اسكندر.

دول المجلس الاستشاري الأساسي..

وبعدين فيه ناس تانية ممكن الاستعانة بهم في مسائل محددة.

هل توافق على مشاركة كل من : الإخوان المسلمين - الأقباط فى الحكم ؟

طبعا،أنا أرفض عدم مشاركتهم.

من واجب كل فرد في الجماعة السياسية (الشعب) أن يشارك في صياغة الحكم. والإخوان والأقباط جزء من هذه الجماعة السياسية.

فى رأيك الشخصى .. ما هى أفضل مدونة على بلوجر قمت بزيارتها ؟

فيه مدونات كثيرة ممتازة، وأحب قراءتها، وأتعلم منها أو أختلف معاها.. منهم

ولا أستطيع أن أقول الأفضل، لأن كل واحد متفوق في جزئية

لكن أذكر منهم

فخامة أفندينا

جبهة التييس الشعبية

مصري للنهاية

أنا مش معاهم

جيم أوفر

وفيه من خارج بلوجر

في تدوين

ارحم دماغك

المؤرخ

وفي مكتوب

معاني إنسانية

عقل ونقل

بقلم محمد حماد

للذكور فقط : أيهما تفضل كزوجة .. إمراءه عاملة ، أم ربة منزل ؟

أنا أفضل أن تتفرغ الزوجة لزوجها وأبناءها. طبعا لو مافيش أولاد، فستعاني من الملل، وطبعا الملل ده حيطلع على زوجها.

يبقى تشتغل، لغاية ما تجيب أولاد،ثم تتفرغ لهم.

طبعا الظروف الاقتصادية لها أحكامها.. لكن أنا أفضل الوضع كده.

اذا تزوجت وأنجبت ولدين وبنتين .. أى الأسماء تحب أن تسمى ؟

أنا تزوجت وعندي بنتين، نورة ورندة،

بس أنا باضع اسم واحد للمستقبل

لو ولد، علي، ولو بنت ريم (لو أمها وافقت طبعا)

هل تعتقد أن توريث الحكم فى مصر . . سيتم فعلا أم لا ؟

غالبا سيتم لبعض الوقت،

ولن يستمر طويلا، لأن التركة أكبر من الوريث المرشح. وهو لا يستطيع أن يحافظ عليها،

فإما أن تدمره أو يدمرها.

فى رأيك الشخصى : ماهو أفضل إنجاز لحكومة مبارك ؟

يمكن تصيلح المجاري،

أو مترو الأنفاق،

يعني الحاجات اللي المفروض يعملها محافظ أو رئيس مدينة

وما هو أسوأ عمل قامت به ؟

كثيييير

يمكن الأسوأ هو

تدمير الثقة في القضاء

وتشويه الدستور

ثم لمن تمرر هذا التاج ؟

كان نفسي أمرره إلى

نوشة - الغريب في بلده

مارو - جيم أوفر

بس شمس الزناتي لم يترك مدون أعرفه إلا ومرر له التاج ده

يبقى نبعثه إلى

فخامة أفندينا