3/21/2007

رنة وتر


أنا رنة وتر من عود

ترجّع لك أمل مفقود

أن بكرة اللي كله ورود

وانا الماضي اللي مش ح يعود

أنا الدنيا وباعشقها

ودرب العشق مش مسدود

*******

أنا في الدنيا دي فرحة

وضحكة صافية من قلبك

بساتين الغنا الطارحة

وشمعة منورة في دربك

أنا الحلم اللي بتشيله وبيشليك

أنا الحزن اللي بتخبّيه في منديلك

...أنا ذكرى

....أنا فكرة

أنا إحساس مواويلك

*********

أنا طير في السما غرّيد

أنا عمري اللي عشته شريد

مكاني قلب كل وليد

أنا في قلب الرفاقة العيد

... أنا بكرة

أنا بكرة اللي تحلم به

ويحلم بك

وييجي أكيد



هناك 6 تعليقات:

المصطفى اسعد يقول...

السلام علكم ورحمة الله وبركاته
كيف حالك يا أخي الحبيب
مدونتك رائعة
ولكن لا تترك مكتوب
لا تغادر
دمت يا غالي

فارس وحيد يقول...

أخي المصطفى
وعليكم السلام ورحمة الله وبركاته
أشكرك على الزيارة
ولن أترك مكتوب
هذه مجرد نافذة أخرى تحت التجربة

واحد من الناس يقول...

احساس راقي
و مدونه رائعه
وترجع بالسلامه

SoRsaRaa يقول...

السلام عليكم ورحمة الله

ايه الكلام الجميل دا

ماشاء الله عليك

اتمنى تشارك معانا بمواضيعك فى المسابقه

وتشارك فى اختيار افضل بوست للمسابقه الحاليه

فى انتظارك

ro7 يقول...

السلام عليكم احييك علي كلماتك البسيطة والجميلة دي تحياتي

nosha يقول...

كلامك لذيذ أوي وبيعبر عن مشاعر صادقة وإحساس حقيقي خصوصاً
أنا الحلم اللي بتشيله وبيشليك
أنا الحزن اللي بتخبّيه في منديلك
...أنا ذكرى
....أنا فكرة
أنا إحساس مواويلك
كلامك جميل جداً